Međunarodni dan čišćenja obala obilježen je na 13 lokacija u Crnoj Gori, a izvještaj s lokacije Krašići -Petrovići nam šalje Boris Filip, koordinator akcije.

Akcija je sprovedena na potezu 2 km od kraja Krašića prema Pristanu, uz stroge mjere NKT i IJZ.

Bilo je prisutno 23 volontera iz Tivta, Kotora, Krašića, Budve, pa čak i jedan momak iz Teksasa.

Hotel Regent je osigurao  marendu i vodu i imao svoje predstavnike na akciji.

Odrađen je veliki posao.

 Sakupljeno je:

- 70 vreća plastičnih boca, ukupne težine 140 kg;

- 9 vreća stakla, ukupne težine 80 kg;

- 9 vreća limenki, ukupne težine 32 kg;

- 8 vreća stiropora, ukupne težine 10 kg;

- 10 vreća mješovitog otpada, ukupne težine 44 kg.

- 1 automobilska guma.

Ukupno - 106 vreća težine 310 kg.

„Akciju smo završili u 15h kada smo započeli reviziju otpada. Apsolutno dominiraju plastične flaše koje ne samo da nisu razgradive, već kruže po zalivu u zavisnosti od vjetra i morske struje.Nakon akcije volonteri su zasluženo boravili na plaži ispod borova, sumirajući utiske, zadovoljni što su umili obale naše Boke. Do neke naredne akcije“, poručuje Boris Filip.